[ad_1]
( प्रगत भारत । pragatbharat.com)
ओव्हरअ‍ॅक्टिव्ह ब्लॅडर
Overactive Bladder अर्थात ज्याला OAB असंही वैज्ञानिक भाषेत म्हटलं जातं. यामुळे सतत लघ्वीला जाण्याची इच्छा होते आणि लघ्वीवर नियंत्रण ठेवणेही कठीण होते. याशिवाय २४ तासात हा आजार असणारा व्यक्ती बरेचदा लघ्वीला जातो. त्यामुळे याकडे दुर्लक्ष केल्यास, त्याचा त्रास वाढू शकतो.
युरीनरी ट्रॅक्ट अथवा ब्लॅडर इन्फेक्शन
UTI: युरीनरी ट्रॅक्ट अथवा ब्लॅडर इन्फेक्शनमुळे सतत लघ्वीला होते. वास्तविक UTI हे लघ्वीशी संबंधित आजार आहे. अशा स्थितीतमध्ये लक्षणं जाणून घ्यायची असतील तर लघ्वी करताना अत्यंत त्रास होणे, तसंच पाठीच्या एका बाजूला सतत त्रास होत राहणे आणि सतत लघ्वीला होणे अथवा लघ्वी करताना जळजळणे हा त्रास दिसून येतो.
डायबिटीसचा आजार
सतत लघ्वीला होणे हे डायबिटीसचे सामान्य लक्षण आहे. तुम्हाला टाइप १ अथवा टाइप २ डायबिटीस असेल तर याचा त्रास तुम्हाला नक्कीच होऊ शकतो. कारण डायबिटीसमध्ये तुमची किडनी रक्त फिल्टर करण्यासाठी जास्त वेळ घेते आणि त्यामुळेच लघ्वीला जास्त वेळा होते. तुम्ही अधिक लघ्वीला जाणार तितके लिक्विड शरीरातून अधिक बाहेर जाते.
प्रोस्टेट
Prostate हा पुरूषांच्या शरीरातील भाग असून एक गोल्फ बॉल आकाराची ही ग्रंथी असून इजेक्युलेशन दरम्यान निघणाऱ्या द्रव्याला लिक्विड स्वरूप देते. तुम्ही जसे वाढता तसा प्रोस्टेटचा आकार वाढतो मात्र त्याच आकार मोठा झाल्यास समस्या निर्माण होतात. त्यामुळे युरिनरी सिस्टिमवर दबाव येऊन सतत लघ्वीला होण्याचा त्रास होतो. यामुळे प्रोस्टेट कॅन्सरचा धोका संभवतो.
इंटरस्टिशियल सिस्टिटिस
Interstitial Cystitis: अनेकांना इंटरस्टिशियल सिस्टिटिसच्या कारणामुळेही लघ्वी होते. यामध्ये हलक्याशा बेचैनीपासून गंभीर समस्येपर्यंत आजार पोहचतो. वास्तविक ही स्थिती ब्लॅडर सिंड्रोम स्वरूपात हा आजार ओळखला जातो.
गर्भावस्था
गर्भावस्थेदरम्यानही बाळाची वाढ जशी होत जाते तशी सतत लघ्वीला होण्याची समस्याही वाढीला लागते. या दरम्यान मुत्राशय आखडते कारण बाळ अधिक जागा व्यापते. त्यामुळे सतत लघ्वीला होणे साहजिक आहे.
ताणतणाव
सध्याच्या लाइफस्टाइलनुसार अनेकांना ताणतणावाचा सामना करावा लागतो. चिंता करणे हे मांसपेशीसाठी तणावाचे कारण ठरू शकते, जे ब्लॅडरचे मसल्स प्रभावित करून सतत लघ्वीला जावं लागतं.
[ad_2]
